makok yaodaba meena ngangba wa!

leimaida krong krong ondunashu
thoushade kanashu, karigino?
matum taba potni
mashagabu shamnadrabadi, chafuni,
mamit panba chafuni !

handak marak she mang inung nungaite
mang nungaitabadagee hendoktuna,
hakchangshu inung nungaite;
kokpu namhalli eigee nupida
karishu haide,
tuminna leikhee, karishu tahoude ei !

nong-gallakpada,
khangnajakhiba lai pumba ningjei
mamingdi kijei chinbanda panba
laishu mana palli haine
na pangba leibakta leirabashu, aduna
thamoida adum loishinjare;
lai mayamdugi mashak matou
makhoigee ake amou, tamjaningaini
mamittagi manadagi, mareidagi machidagi
'tu bu chung-geeeda'
potloi shetpi kanagi khutno ?

nong-ngallakapada,
ishashe iyang yang-ee,
shinglee naori thekpada ngak yaorakte,
tahourabara karino?

"leibakshe ma-ong ama ita tadre, ichasha
karamba mashanna amuk houdokkadouribano
mee makok ngakta ngaire;
shaadanbashu chatnadare,
pharaga hatpishu nungaitare;
karamba mashanna amuk houdokkadouribano?"

"moi mapashu khara aduk ngangladi yare
tuminna leibiro,
makok yaodaba meena ngangba wabu!"

Karishu Leitare Manipurda!

manipurda kargil leite
manipurda ganga chende
manipurda sarkarshu leite

adubu,
chahi kumja khuding
khai, ikang thoklaba leibakshida
mashing thee-ngamdraba shenkhai;
pal ama thingnaba
ku ama channaba
mirep mihut amana washak lounaba!

wahangni?
eina hanglibashe wahangni?
changdamnaribani?
eina touribashe changdamnabani?

kadaidano:
eigee chak-khum, eigee phung-ga?

ishagee chak-khum leitaba eina,
karamba wahangno hang-gadouriba;
ibok-ki phung-ga thamdaba eikhoina,
karino changdamnagadouriba?

chak chagring amata
wari nungshiba amata
thouna macha amata
phung-ga wari amata

manipurda leikai leitare
manipurda dzuko leitare
manipurdi manipur oidare
manipurdi meehatpagee leibak oire!

mani,
mani, eishu mihatpani;
ahing khuding hattokchei eina,
ishabu kanashu khang-handa!

maramdi,
ikai, ei ikai,
eina haibada!

houjikti,
karishu leitare manipurda!

Mamingdee Konna Thonlage!

louhun charaga hingba huranba
karigidi ushitkani nangbu,
nachadu khujok ama pokthokle
nabukto areiba makhei kangthokle
aduga, lukhak komdana
meegi sharu sharang ngakta !

amukshu hang-ge:
nangna chaba nattrabdi kanana chabano
shana keina charagabu ashuk shit nanna chagadara,
keithel gee huina paoba ikaire
tariba sharu shayangshe ubada;
farene, akangba nabuktu thannaba charabashu
karigee thanamli sharu sharang kharashe,
teen yotlibani eishu !

amukkashu hang-ge:
shuba tanba nangna,
karigino nakhu pomliba
mikup ama tumin leibada
khubam chama chikpara;
chara namma watpada
leikai tara chara henbara?

louhun charaga hinglakpa nang-di
thong thinglo, mihut-thong lollo
nang-gi keida peba hakchang mayamdo
pakhattara, masha panduna paithok-khrabadi?
kari chahougani nang,
ikang thokpadi kuirabani nareibakshe !!

einashu meitei hatlure!

aaiba uchekti maning tamlamgaba manli
mayumda leijaba lanmi di thouna faramgadaba manli
natte natte
eina hairishe shumangda thouna faba nakhoigee wari natte

takpige tao

chara henlaga shiba mee yaodabani
adum hingbani, unshabudi khara khuibani
chaningdunashu, chadatnaraga shibadi khonkhaini

mamingdi:
Neelamani, Nabakumar, Pramodini, Chaobhal

thaina eina school karingeida
firal macha macha pairaga
eibu ngairibani haiduna
kuchu ngouyi haiduna eibu
makok thanghalli
numitto, ningshillibani
hainei chaklam khongchat,
kayadi kuiredo
kaoramalle loinamak
eibudi kuchu adum ngouri,
lou kumlaktbagi, kak-ee chudabanina

nokningdrado,
eidee, karishu khangdabani,
lawai macha eidee
tiddim road hainaba lambidugi mataida
nap icho chona, karigino hangjarui
chara hennriba mayamna?

cheng kg da lupa 10 pirambado
lupa kayano hengatpada
thawai kaya no,
mathoudi toudana chara henlaga shiriba?

nokpu nokchaning-ee
tin kang pharaga hingba kayashu leirina;
hairashu shao-yee, cheirashu hatke hai
maa-undi lengningde, adugashu lao-ri
eidee meitei ni meitei

oh haibige
kuirabani meitei di shikhiba;
1965 ki August 27 ta oiramalle
eina meitei hatlubado?

Wahang Ama!

eening tambani haishira
eina koichen chenliba
thang-ningba maikei-da thang-liba
on-ning-ba maikeida olliba
nattraga, keeduna chenlibara ei
achinba meerak
achikpa mafam
thengnaba ngamdana
angakpa wahangsheeng
eeramdam gee wangmada!

kaodari ngashishu
shakpa yaaba washak kaaya
aareiba thouna khuding
aroomba ayangba theedana
lambigee potlumni purak-khiba;
kaodari ngashishu
nungshiba iramdam
kaongamdraba irol,
eigee achumba lambida
nakhoigee lambee macha macha,
maraktudana
imagee pakhatpa khonjelmashak khajaba maithong kaaya!

khaangdare ngashidi
eening tamna thangliba khongthang
maning tamba hakchang amageera
nattraga, akiba hakchang amageera?

***(September 15, 2004)***

Anganba Ayukta Shayon Ama!

Ngarang numidang, ei tumba yakhide
Nahan gi numidang dushu, ei tumba yakhide
Nahan gee mamang-gi numidang dushu, ei tumba yakhide
Madu gi mamang gi numidang, numidang du gi mamang gi numidang
Ashum ashum, numidang amadagi numidang ama
Ngarang gi numidang faoba, ei tumba yakhide!

Ei gee hankchang she, numidang da
Mayamna tumnakhraba matamda
Aangak aangak pa shayon kaya louyi
Ishana khangjadaba shayon kaya
Pirang dagi ollakpa nupigi shayon
Keithel kabi mama gi thouna faba machagi shayon
Huranba mapugi mapu ningba huigi shayon
Lambida taba mashak khangdaba ashiba hakchang gi shayon;
Shayon, loiba naidaba shaiyon mayamduna eibu otkhi
Aduga ahing khuding eibu tumhankhide!

Ngarang numidang tumba yakhide ei
Aduna nganna hougatle ei;
Nak yetta kanashu leiramde!

Ngarang numidang tumba yakhide ei
Aduna ikaijare mingshel yengba ei;
Angakpani, imibu ammatte taramde!

Shiraba jatla eibu?

Natte, tumliba malle ei
Shayon amamuk louduna!

***(May 17, 2009)***

WARAK KABI

Warabashu wana
Sheireng ammattaga eekhige
Noknajashanu, ikaibide eidee
Eigee awababu makhoina khangbibara
Aduna eekhini eidi sheireng, eigi sheireng !

Lak o lak o mayam
Ei shida leire
Kari gee amuk koithee thinaruni
Ishana khangna lakcharabani
She she shomda leire, shida lepke
Mayam ure ko, eine eine
Sheireng iba nupaduni !

Houro houro
Eishu yumda han-gadaba lei
Eishu thengna hanba kijei
Eigishu ima ipa leijei
Mayam na karemnabirashu
Chak chakluk amadi khaklamgani imana !

Houro houro
Horen numidangshu sheireng eegadaba leiri
Hayengshu amuk noknaba yanaba !

Houro Houro ...

***(June 07, 2009)***

NGARANG NUMIDANG

Ngarang numidang
Eiga maga, maga nang-ga, nang-ga eiga
Kithee kirum, kachin amada
Amuksho nok, amukshu tu khyao chung
Amukshu khullokpi shanna, amukna cinema kum
Amukna kihom tha, amukna kobi yon
Maduda amuk pendaduna
Maiga maiga taknei, aramdai nanbadu mangai
Kok ka kok ka thenggai nei, khupak khujinbabu malli
Makhon thok ee, arappa anakpa
Laishangda lai mangthokpa
Mapan Kangjeibungda una shaba ghari
Lan manungada lan

Ngarang numidang
Eigee thibong thirinna oilli shayon ama
Ibudhou Pakhangba mabu
Ngarang numidang
Eigee hakchangda khujin gee dakpham ngakta
Imingna Oinam kourammee

Ngarang numidang
Ei amadi eigee hakchang
Kithi kirum kachin amada
Eibu kanano thirammee

***(June 20, 2009)****

Yakairol Amuk Shakpiyu!

Laibak Thirabani Eikhoidee
Khong-gul lige Hotnaruba
Ipa Ipu Mashak Taak-ngamde,
Fijang Taret Khankhibana
Shayon Mashak Khang-ngamde
Wari Lishing Khanglaktabana !

Pokpham Matam Lallabashu
"Asheiba Ojha"
Yakairol Amuk Shakpiyu
Naoshumrol Amuk Shumbiyu
Punshirol Amuk Tambiyu
Nong-garolshu Amuk Tamjage;
Pokpham Matam Lallabashu
"Phamshak Ojha"
Nang-gi Shumhatpa Penagee
Maru Cheijing Punduna
Ikarol Amuk Koubiyu
Ahonglol Amuk Shonbiyu
Yumsharol Amuk Houbiyu
Pheesharol Amuk Heijage
Padon Amuk Pangjage !

Mapok Khuding Poktona
Shakpiyu (Nanggee) Leirol
Melei Leishna Nongjumpal
Lamphel Naawa Kombirei
Shathanbiyu Nouna
Kwaklei Mata Khong-guMelei !

Nang-gee Sahirol Awaba
Tajaage Mapok khuding
Konung Ngakpa MoirangShai
Karaamba Naral No Nahakkee;
Wainu Laba-Amom
Tarashanu Nouhounana Pirangshe
Nabanigee Kaina Warida !

Numit Kappadageeshu Hallaba
Lainingthou Lairembigee Shaiyon Oiriba
Sheirol Shurabi Pena
Shaklakho Nang-gee Thawaina
Moirang Saiyon Khuding;
Taningli Ngashishu
Khongjom Parva Thawaina
Jila Darbarbu Ningshingduna
Ipa Ipu Kaorabashu !

Laibak Thirabani Eikhoidee
Pokpham Matam Lallubana
Asheiba Ojha
Shaklakho Nang-gee Pena Eeshei
Phamshak Ojha
Tahankho Nang-gee Khunung Eeshei !!

***(08/05/2004)***

LAL HOUGE EISHU

Handakti,
Wakhalshe Khanjanei, Nanghouraroidara?
Ashuk Kuiba Matamshe
Thousharude, Tande-Mande, Hakchangshe
Hakam Wa-Wa Chinladuna
Achat-Ayok, Ning-ngaidana
Ashum Wari Amada, Kongthon Amada...
Adubu Handakti,
Pakhatli, Charangnei Hakchangshe
Nanghouraroidara?

Lal Houre Hai !
Lal Houre Hai,
Mana Mana Pamjaba Ma-ongda,
Thang Paibana, Thang-gee Jagoi
Nongmei Paibana, Nongmeigee Jagoi
Ta Paiba, Yotpak Paiba
Kalam Paiba, Pena Khongba
Pung Yeiba, Uu Shuba
Jagoi Shaba, Jagoi Shabi
Lalonba, Lolonbi;
Lal Houre hai,
Mana Mana Pamba Ma-ongda !

Handakti,
Lal Houge Eishu,
Houge Eigeeshu Lal Ama,
Eishu Ahing Tumba Yadena
Houge Eigeeshu Lal Ama,
Eina Pamjaba Ma-ongda !!

***(July 03, 2009)****

Fanek!

Fanek,
Eidi Kijei,
Karigino Nangna Nokphet Nokphet Touriba;
Karemnaribara Nattraga,
Nattraga Fanek Nangna Kupke Hairibara !

Fanek,
Makhal Machugi Fanek,
Meikhugee Machuda Phibal Lak-khibee Fanek,
Khudei Manbi Fanek,
Waa Ngangdabi Fanek,
Adubu Amuktashu Ujadari
Nokphet Nokphet Touba Fanekti !!

Eidi Hangbu Hangninglure
Kari Mingno Fanek Nangi,
Kaogalli Eidee;
Khudei Shetli Haiduna Karemanarakkanu !

Fanek Amadi Khudei,
Khudei Amadi Fanek;
Hanggoida Eidee Nangna Nokphet Toubado,
Aduna Amuktadi Haiyu
Kari Naming Koubage:
He Fanek !!

****(July 04, 2009)****

NOUNA THUNGLABA SHA AMA

sha makhal yammi
mee onlaktringeida leiramba sha
mee onkhraba matungda leihouba sha
meerakta leiba sha;
sha khudingmakki leijei
tongan tonganba mashak matou,
sha kharadi, sha oina toudrabashu
karigumba ahingba pot amagum
phugri hottuna, hakam laona chanduna,
amadi wakhal khanduna leibashu yaoyi,
aduga karigumba atei matamdashu
shamakni mashak takchanaba
masha mashagi leijaba mahei mashing
pokpadagi yaojaraklaba top toppa matik magun uthoktuna
lambi gee chidaida, ugee ushada
changang glass amada, heimun amada
anouba wakhallon ama puthoknaba hotnari !

irap laptana, eigee wakhalshida
kanagumba amana paodamlibani haiduna
hathu hathu, eigee nakongshida ashumna:
'nouna thunglaba karino ama lakhoure',
eigee apikpa wakhal amadi
shagee shajat,thajaba ngamkhide
shamna hairabada,
mapu pande shadi,
thajade kanabusu
tha-oinana khanba ngamde
taibam gee thoudok wathok anuba;
meet na pandunashu
karigee palliba kayatno khangdraba eigonda
paogi paodam, amadi
paogi paotak, oithokpham thokte
ashumna na khumjillee eina
eigee wakhalnungda !

irap laptana, shayokpham amada
shani khangdaba, meeni khangdaba
khujin khuwashu ishang shangba
eibushu mangum touba kanagumba amana
wakhal khanlibani haiduna
khru konduna, khadang shouduna
numit taba ngaibagum
tayang tashoinaraba shor macha macha hunduna
eigee imangda, eigee shaktamgum
mashak khangbibara hanglee !

eidee manli
mashu manli
shashu manli
nouna thungalaba karino haibado oiramalle !!

***(July 12, 2009)***

Sheireng Machin Manao!

(1)

Meegi Machadi Mee Oina Poklakkani

Shagi Machadi Sha Oina Thoklakkani

Uchekki Macha Oiragana

Paithorakkani Mahumdagi

Masha Farap Farap Khaptuna!

Adubu Handakki Mapokshidadi

Yenglu Yenglubada Angakpagi Angakpa Ngak

Mee Marak Sha Marak;

Aduga Eina, Eishu Nattana

Tourishi Yeng-ngu

Ikaibashu Khangdaba

Loumini Kana!

O Magishidi

O Eigishidi

Shiningdudana Touriba Tatni!
(2)

Onthokpa Haibaduni

Mamang-gi mapoktashu, Ei

Ei Oina Pok-khibajatni,

Adunabu Nattra

Laimang Phamba Khuding

Amaiba Amaiba Khudingna

Ei Ubada Hou Hou Chennariba?

Onthokpa Mapokni

Handakti Eishu Ma-ong Amani

Imei Amashu Panshinbire

Pukshu Huidrimuk Kangjare

Ha Ha Tamliba Lei;

Kananabu Nungshibini ?

Yeng-ngu Yeng-ngu,

Chennaribashe,

Matin Shit Shituna

Eibu Ubada !!

***July 28, 2009****

Akiba Meegi Unsha!

eigee patharakliba unshashe shet shettuna shannei
pada patharaklagana, kamthokkhi ikhuttagee
khara aduk tharagana, manam namthok-ee
natonda thangattuna eigee
hakchang manamdi inam namde, hoi
eehing manam nammi akhangab amanam malli

mashina unshagi warini
paba thaba, ikhet khetnade
unshadi unshani
eingonda panba unshaga
sha ngada panba unshaga;
madumaknashu oiramba yai
ishana ishagi unsha shetpa ngamliba?

makhoigidi khangde
makhoigidudi karemanbashu malli
shetning-ee haiduna punshet mashetpa malli,
eigidi patharakle haiduna shetpani
shamna hairabada
linna maku shinbagumbani
anouba maku shinbani
makhoigidi khangde
achat a-ok, thengnaba khuding lemna thade
meetna kuppada, mafam marang ikhang khangdana
yathang illibani haiduna
feijing hekta ching-ee
achum aran thirabani haiduna
maku hekta hui
unsha hekta khok-ee;
karamba keitehel da yongadouribano
kanana leigadouribano?

unshagi wadi thambu thamkho
eigishu thawai macha ama palli
tanik tanikpa thawaini
ahouba makhol ama tabada
ipa pakhatli,
makhoidi tu-na phaoba chungbide
kiganba eigee inakta
nakalda lepna lepna nokpa ngammi
ayakpa khonjel, meekap miraokhol tabada
nokmi nokmi maithongdo
tukatchaba fao-ee
makhoibu ubada
kipham thokpa eishu kidare
ahoinadum nokthok-ee
ashiba mashing thiduna

kigadouba ahingba eina kidrabanina
unsha shetpa yaore
ee gi manam nambashu heinare
karemnabashu heire
eigee apaba unshada

makhoigidee khangde
unshabu pandraba manle
hakchang gi tongsha shet shettuna shannarabashu
mapugi yathang illibani haiduna
adum lepkhigadara
ei chingnadaba ngamde
ei chingnadaba ngamde

***August 08, 2009***

DEMOCRACYGI MACHA

Eigishu Khut Ani Palli,
Ahummak Shujadrabashu,
Hingbadi Adum Mahingli,
Adubu Ikaidabadi Natte;
Nang-gee Leibakshida,
Keidouruni Eigee Khut Anishina ?
Ashumna...
Hang-ge Khalli Wahang Kaya
Adubu Ngamde,
Ngaochatnei Wahang Marakta,
Paokhumgee Wadi Thambu Thamkhoda?
Hannadi Eishu,
Karishu Khanlude,
Adum Hingliboi Khanlui
Mayamna Hingnariba Ma-ongshida
Adubu Ngarang Numidanggee Mang Amana,
Eibu Ei Oihankhride:
"Eikhoigee Shumangda
Shumang Leela Amada
Eigee Khut Macha Animak Punshinbiduna
Hanglammi Eigee Ming Karino,
Kana gi Machano,
Nama Maming Karino, Napa Kari Mingno?
Ei Noktaba Ngamdaduna Ngaihak Nokchei
Meet Tagi Pi Kharashu Takhi,
Adubu Kari Haina Khumgadabano Khangkhide
...(Khanjillurabadi, Meenungshibu Phao-ee-da
Ishana Ishada Meenungshu Phaoyee)...
Ngaihak Leiraga,
Eshing Ya-um Ama Pithaklaga, Amuk
Eibu Kanano?
... (Khanjillurabadi, Iming gi Iming Ngaktani)...
Shumang Mayaiduda
Karamba Ming Hairuni
Eigee Imingni Haiduna?
Eigee Wakhal Phakchilli
Choirol Ngangbagum, Chinbandagi
Ming gi Ming Ngakta !
Nong-ngallakpada
Khabar gi Ahangba Chebangda,
Mashak Khangdaba Hakchang Amagi Maming?

****August 08, 2009****

Matam Matam Gee Sheireng!

Ei Kalendashu Sheireng Eejei
Ningthamthadashu Adum Eejei
Nongju Thadashu, Nakenthadashu,
Ei Ee Sheireng !

Kumja Khuding,
Aa-ing Asha Onnaba Khuding
Sheireng Gi Sheirol Khetnei
Shangba Tenba Mannade;
Karigumbada Eigee Sheirengna Feijup
Karigumba Matamdana Sheirengna Humai
Aduga Marak Maraktashu
Akenba Una Marakta Sheireng Gi Sheirol
Nonglik Maraktashu Sheireng;
Aduga Yengjei Maraktuda Eina
Achat Ayok, Taibang Gi Chatna Lonchat !

Makhal Mathel ni:
Kalengi Meisharakta Chetkhairaba Nang-ngal
Englaba Ningtham Ullenda Kanglaba Chinbal;
Oh! Punshi Haibadu Mashira?

Sheirengshima Leirmadraba
Eigee Punshishu, Punshi Oiramlaroi!!!

****August 08, 2009****

Minshel!

Nangna Yengliba Minsheldo

Kaiganba Mingshelni

Toina Yeng-ge Khallunu

Fagi Manlakpani !

Nang-gi Mingshel,

Yengningdare Eidi, Kire Eidi;

Karibuno Lotliba Mana

Punshidi Eigini !

Nang-gi Mingshel

Karigino Karemnariba Mana:

"Fijang Kayagi Marumdano Lotlamgadaba

Amang Atong-gi Shellep Paduna,

Karamba Maithongbuna Yenglamgadaba

Pirang Amadi Minokki Khetnaba Marakta?"

Eina Yengliba Mingsheldi, Awaibani,

Meengondagi Wairakpani;

Kairabashu Magi,

Tariba Shaktamshu Magi

Hinglibani Haiduna Hingliba Punshishe

Magi Mapal Naidraba Mingsheldugi Wahanthok Amani;

Akaiba Mingshelgi Washak Kharaga,

Mingshelduda Tariba Shaktam Kharaduga

Ashumna Shagatli Shaktam Kaya

Mashak Khangbidaba Shaktam Kaya Ama !

Eigee Punshi Amadi Eigee Mingshel

Mari Shuklei Leinade

Aduna Nirakkanu Eingonda Ayengman !

Maraktuda:

Nang, Ei, Ma

Kanashu Natte

Shupnatagi Mingshelduda Taba Shaktam Kharani;

Aduna Mari Leinade Yengliba Eigi Mingshel,

Amadi Tariba Eigi Shaktam !!

****August 24, 2009****

Mee Marak Sha Marakshida!

Meegi Machadi Mee Oina Poklakkani
Shagee Machadi Sha Oina Tholakkani
Aduga Uchekki Macha Oirgana
Paithorakkani Mahumdagi
Masha Farap Farap Khaptuna

Adubu,
Handakki Mapokshidi
Yenglu Yenglubada Angakpagee Angakpa Ngak
Mee Marak Sha Marak
Aduga Eina, Eishu Nattana
Tourishi Yeng-ngune
Ikaibashu Khangdaba
Loumini Kana, Meeni Kana

O! Meeni Madi
O! Eigishidi
Shiningdaduna Touriba Tatni
Mee Marak Sha Marakshida